Rossiyada Yevropa OAV blokirovka qilinishi munosabati bilan Vengriya YI mamlakatlarining birgalikdagi deklaratsiyasi qabul qilinishini barbod qildi

dpa agentligining Bryusseldagi manbalariga ko‘ra, Vengriya veto qo‘yganligi sababli, Yevropa Ittifoqi davlatlari Rossiya Federatsiyasida Yevropaning 81 ta ommaviy axborot vositasi blokirovka qilinishi munosabati bilan qo‘shma bayonotni e’lon qila olmaydi. Shu sababli, Yevropa Ittifoqi nomidan faqat Yevropaning bosh diplomati Jozep Borrel o‘z pozitsiyasini bildirishi mumkin.

Uning bayonotida aytilishicha, Yevropa Ittifoqi Rossiya rasmiylarining “erkin va mustaqil ma’lumotlardan foydalanishini yanada ko‘proq cheklaydigan va Rossiyada ommaviy axborot vositalari ustidan allaqachon qattiq tsenzurani kuchaytiradigan” “mutlaqo asossiz” qarorini qoralaydi. Borrelning qayd etishicha, Rossiya Federatsiyasida blokirovka qilingan ommaviy axborot vositalari “jurnalistik tamoyillar va standartlariga muvofiq harakat qilgan”.