Rossiyalik harbiy muxbirlar Donetsk ustida RF armiyasining Mi-8 vertolyoti urib tushirilgani haqida ma’lum qildi

Ayrim manbalar vertolyot Ukraina kuchlari tomonidan dron yordamida yo‘q qilinganini da’vo qilmoqda, bu esa dronlardan bunday maqsadda birinchi marta foydalanilgan bo‘lishi mumkinligini ko‘rsatadi.

Rossiya harbiy muxbiri Boris Rojinning so‘zlariga ko‘ra, Ukraina qo‘shinlari Mi-8 vertolyotini uchish vaqtida front chizig‘idan ancha uzoqda dron yordamida qayd etgan.

Biroq, boshqa manbalar, masalan, “Voevoda veщaet” kanali, keyinchalik vertolyot HIMARS raketa tizimidan snaryad bilan urilgani haqidagi ma’lumotni e’lon qildi.

Ukrainalik jurnalist Yuriy Butusovning qayd etishicha, agar dron qo‘llangani haqidagi ma’lumotlar tasdiqlansa, bu Ukraina uchun tarixiy yutuq hisoblanadi. Uning ta’kidlashicha, bu birinchi marta vertolyotning orqada, front chizig‘idan uzoqda ushlab olinishi.

Rossiya Mudofaa vazirligi voqeaga izoh bermadi.