“RosSMI” Ugledarning Rossiya qo‘shinlari tomonidan bosib olingani haqida xabar bermoqda – video

Rossiya qo‘shinlari Ugledarni egallab olishga muvaffaq bo‘lgan bo‘lishi mumkin. Bu haqda rossiyaparast blogerlar xabar beradi, deb yozadi The Moscow Times. Xususan, “Dva mayora” telegram-kanalida Rossiya harbiylari shahar kengashi binosiga bayroq o‘rnatayotgani aks etgan video chop etilgan.

“Ugledarning ozod etilishini to‘liq bajarilgan deb hisoblash mumkin, ammo shaharni to‘liq tozalash hali bir kundan ko‘proq vaqtni oladi. Bu ertaga Bogoyavlenka-Novoukrainka hududidagi dushmanning so‘nggi mudofaa chizig‘iga bosim keskin kuchayishini anglatadi”, — deb yozgan rossiyaparast harbiy bloger Yuriy Podolyaka.

Ugledarning qo‘lga olinishi haqidagi xabarlar “Rыbar” va “Komsomolskaya pravda” ning “harbiy muxbiri” Aleksandr Kos telegram kanallarida ham paydo bo‘lgan. Biroq, Kosning qayd etishicha, Ugledarda hali ham Ukraina qurolli kuchlarining jangchilari bor.

“Ugledar mustahkamlangan hududi uchun uzoq muddatli janglar nihoyat dushmanning “Kursk sarguzashtlari” tufayli muvaffaqiyatli yakunlandi, bu Ukraina qurolli kuchlarining katta kuchlari va resurslarini jalb qildi, ammo Rossiya qurolli kuchlarini uning Donbassdan zarba berish bo‘linmalarini zudlik bilan o‘tkazishga majbur qilmadi”, deb yozadi “Voenniy Osvedomitel” telegram-kanali.