“Rostelekom” top-menejeri Rossiyani Google servislaridan o‘chirib qo‘yishlariga tayyorgarlik ko‘rishga chaqirdi

“Rostelekom”ning axborot texnologiyalari bo‘yicha vitse-prezidenti Dariy Xalitov RTVI telekanaliga bergan intervyusida rossiyalik foydalanuvchilar Google xizmatlaridan uzilishi mumkinligidan jiddiy xavotir bildirdi. Uning ta’kidlashicha, Google Drive va Gmail kabi mashhur xizmatlar, shuningdek, turli funksiyalardan, jumladan, geolokatsiya va ob-havo prognozlaridan foydalanish imkonini beruvchi Google Mobile Services kabi mashhur xizmatlarning blokirovka qilish ehtimoli juda yuqori.

Xalitovning so‘zlariga ko‘ra, foydalanuvchilar chet el xizmatlari istalgan vaqtda yo‘qolib qolishi mumkinligini tushunishlari kerak.

“Android operatsion tizimi Rossiyaniki emas va texnologik mustaqillikka ega emas”, deya ta’kidlaydi u.

Vitse-prezidentning qo‘shimcha qilishicha, noxush o‘zgarishlar yuz bergan taqdirda, foydalanuvchilar muayyan qiyinchiliklarga duch kelishlari mumkin, jumladan, YouTube kabi xizmatlardan foydalanish imkoniyatining cheklanishiga.