Ruminiya saylovlar marafoni arafasida

Ruminiya bu hafta oxirida boshlanadigan saylov marafoniga tayyorlanmoqda. Mamlakatning ovoz berish huquqiga ega bo‘lgan 19 million fuqarosi yakshanba kuni prezidentlik saylovining birinchi turida o‘z nomzodiga ovoz berish uchun saylov uchastkalariga chaqirilgan. Ikkinchi tur 8 dekabrga rejalashtirilgan. 1-dekabr ya’ni Ruminiyaning Milliy bayrami kunida esa mamlakatda parlament saylovlari bo‘lib o‘tadi.

Alina Manolake, Euronews:

“Prezidentlik saylovining birinchi turida 14 ta nomzod ishtirok etadi. So‘rovlarga ko‘ra, ulardan beshtasi 8 dekabrda bo‘lib o‘tadigan ikkinchi turga chiqish uchun real imkoniyatga ega”.

Barcha so‘rovlarga ko‘ra, prezidentlik saylovining favoriti Bosh vazir va Sotsial-demokratik partiya rahbari Marchel Cholaku hisoblanadi. Ikkinchi o‘rinda millatchi AUR partiyasi lideri Jorj Simion turadi. Turli so‘rovlarga ko‘ra, uchinchi o‘rinni muxolifat partiyasidan nomzod Yelena Laskoni va liberal Nikolaуe Chuka talashmoqda.

Ruminiyalik saylovchilarni eng ko‘p hayot qimmatligi, o‘sib borayotgan inflyatsiya va past ish haqi tashvishga solmoqda:

“Tanlash uchun nomzodlar ko‘p bo‘lmaganda, sevimli nomzodga ega bo‘lish ancha qiyin. Shuning uchun zaruriyatimiz va holatimiz bizni ulardan sal yaxshirog‘ini tanlashga majbur qiladi”.

“Hozircha kimga ovoz berishni bilmayman. Ko‘ramiz”.

“Men hali qaror qabul qilmadim. Mening sevimli nomzodim yo‘q. Favoritim bo‘lishi mumkin deb o‘ylamayman. Menga hech kim yoqmaydi”.

“Debatlar muhim bo‘lishi mumkin edi, lekin men televizorda ko‘rganlarimdan xulosa chiqara olmayman. Umuman olganda, bu sal-pal yaxshirog‘i bo‘lishi kerak, chunki hozir to‘liq mos keladigan nomzod bor deb o‘ylamayman”.

“Men uchun eng muhimi halollik, shuningdek, ularning tarjimai holi”.

Buxarest – Kiуevning eng muhim ittifoqchilaridan biri. Prezidentlik va parlament saylovlari Ruminiyani yevropaga moyillik yo‘lida saqlab qolishi yoki uni yanada millatchilik pozitsiyasiga undashi mumkin.