Saltanat Nukenovaning o‘ldirilishi: Sudga Quandiq Bishimbayevning apellyatsiya shikoyati taqdim etildi

Astana shahar sudiga o‘zining fuqarolik turmush o‘rtog‘i Saltanat Nukenovani shafqatsizlarcha o‘ldirganlikda ayblab, 24 yilga ozodlikdan mahrum etgan sobiq milliy iqtisodiyot vaziri Quandiq Bishimbayevning apellyatsiya shikoyati kelib tushdi. Bu haqda Vlast.kz xabar beradi.

Jinoyatni yashirgani uchun to‘rt yilga ozodlikdan mahrum etilgan gastromarkaz direktori Baxitjan Bayjanov ham shahar sudiga apellyatsiya arizasi bilan murojaat qilgan.

“Sud idorasida ish 11-iyun, seshanba kuni sudyaga topshirilganini ko‘rsatilgan. Ish chop etish uchun yopilgan, undagi hujjatlarni ko‘rishning imkoni yo‘q”, — deb yozadi Vlast.kz.

Nukenovaning o‘ldirilishi 2023-yil noyabrida ma’lum bo‘ldi. Ayni vaqtda Quandiq Bishimbayev va uning qarindoshi Baxitjan Bayjanov hibsga olingan.

Bishimbayev va Bayjanov ustidan sud jarayoni 27-mart kuni boshlangan. Bishimbayev ikkita modda bo‘yicha – o‘z rafiqasi Saltanatni o‘ta shafqatsizlarcha va qiynab o‘ldirishda ayblangan. Bayjanov o‘ta og‘ir jinoyatni yashirish va xabar bermaslikda ayblangan, biroq keyinroq sud jinoyat haqida xabar bermaslik moddasi bo‘yicha ish yuritishni tugatgan.

13-may kuni Bishimbayev 24 yilga, Bayjanov esa 4 yilga ozodlikdan mahrum etilgan.