Saudiya Arabistonining 88 yoshli qiroli kasalxonaga yotqizildi

Saudiya Arabistonining 88 yoshli qiroli pnevmoniya tufayli kasalxonaga yotqizildi. Salmon bin Abdulaziz shifokorlar tavsiyasiga ko‘ra ko‘rikdan o‘tmoqda. Uning ahvoli haqida aniq ma’lumotlar e’lon qilinmagan.

Qirol Salmon 2015-yilda taxtga o‘tirgan edi.

U taxtga vorislik tartibini o‘zgartirdi va oiladagi eng katta o‘rniga avvaliga jiyanini merosxo‘r qilib oldi, keyin esa bu lavozimni o‘g‘li Muhammad bin Salmonga topshirdi. Valiahd shahzoda bugungi kunda mamlakatning amaldagi hukmdori hisoblanadi.

Monarx o‘z o‘g‘li foydasiga taxtdan voz kechishga tayyorligi haqida mish-mishlar tarqaldi, ammo bu hech qachon sodir bo‘lmadi.