Saylovchilar orasida 1 mln dollar yutuqli lotereyani o‘ynagani uchun milliarder Ilon Mask sudga chaqirildi

Ikkilanayotgan shtatlardagi amerikalik saylovchilar orasida 1 mln dollar yutuqli lotereya o‘ynagan milliarder Ilon Maskning America PAC qo‘mitasi to‘xtatilishi haqidagi ish bo‘yicha milliarderning o‘zi sudga chaqirildi. Bu haqda Reuters xabar beradi.

Filadelfiya okrugi prokuraturasi dushanba kuni tegishli da’vo bilan chiqdi – huquq-tartibot idoralari xodimlari Maskning tashabbusini “noqonuniy lotereya” deb hisoblamoqda, bu Pensilvaniya aholisini shaxsiy ma’lumotlar bilan bo‘lishishga undagan. Sudya sud majlisida barcha tomonlar ishtirok etishi shartligini qayd etgan.

Respublikachilar partiyasidan nomzod Donald Trampni qo‘llab-quvvatlayotgan Mask siyosiy jihatdan muhim bo‘lgan shtatlarda ro‘yxatga olingan saylovchilar sonini ko‘paytirish uchun 1 million dollar yutuqli lotereyani e’lon qilgan. Tashabbusga ko‘ra, AQSh Konstitutsiyasiga birinchi va ikkinchi tuzatishlarni qo‘llab-quvvatlovchi hujjatni imzolaganlar uchun 1 million dollar o‘ynalmoqda, biroq uning sharti bor – imzo qo‘yganlar konkret shtatlarda ro‘yxatga olingan saylovchilar bo‘lishi kerak.