Tixanovskaya Trampni tabriklab, hamkorlikka umid bildirdi

Svetlana Tixanovskaya Donald Trampni saylovdagi g‘alabasi bilan tabriklab, o‘tgan saylovlar “demokratiya bayrami”ga aylanganini ta’kidladi.

U saylovoldi poygasini “baʼzi hasad bilan” kuzatganini tan oldi va Belarus uchun shaffof va adolatli saylovlar ham muhim ekanligini ta’kidladi.

Tixanovskaya AQShning yangi maʼmuriyati bilan hamkorlikka umid bildirdi, Trampning atrofidagilar va Respublikachilar partiyasi vakillari bilan aloqalar mavjudligini gapirgan.

Bir necha davlat rahbarlari Donald Trampni AQSh prezidentligi saylovidagi g‘alabasi bilan tabriklagani haqida avvalroq yozgan edik.