Ukraina BRB RF qurolli kuchlarining polkovnigi Kolomeysev o‘ldirilganini rasman tasdiqladi

Ukraina Mudofaa vazirligining Bosh razvedka boshqarmasi (BRB) RF QKning polkovnigi Aleksey Kolomeysev o‘ldirilganini tasdiqladi va fotosuratlarni e’lon qildi.

“2024-yil 27-sentyabr kuni Rossiya Federatsiyasining Moskva oblasti Kolomna shahrida Rossiya armiyasining polkovnigi Aleksey Vladimirovich Kolomeysev yo‘q qilindi. 51 yoshli Kolomeytsev RF mudofaa vazirligining  uchuvchisiz aviatsiya 924-davlat markazini (20924-harbiy qism) boshqargan, ushbu markaz dronlardan jangovar foydalanish bo‘yicha mutaxassislarni, xususan, “shahedlar”ni, shuningdek, dronlarga texnik xizmat ko‘rsatuvchi xodimlarni tayyorlaydi”, – deyiladi BRB bayonotida.

Qayd etilishicha, u Rossiyaga keng ko‘lamli bostirib kirishda va Ukrainaga qarshi harbiy jinoyatlarni sodir etishda bevosita ishtirok etgan.

“Ukraina Mudofaa vazirligining Bosh razvedka boshqarmasi har bir harbiy jinoyat uchun adolatli jazo berilishini eslatadi”, – deyiladi xabarda.