Ukraina Rossiyaga asirga tushgan muddatli chaqiruv askarlarini qaytardi

Rossiya va Ukraina harbiy asirlarni “115 ga 115” formatida almashmoqda, deb yozadi Reuters BAAdagi manbaga tayanib (Amirliklar – almashinuvda vositachi hisoblanadi).

“Voyenkor” Semyon Pegovning xabar berishicha, almashtiriladigan ro‘yxatga Kursk yaqinida asirga olingan muddatli chaqiruv askarlari kiritilgan.

Almashtirish jarayonini Rossiya Mudofaa vazirligi ham tasdiqladi: Kursk yaqinida asirga olingan 115 nafar askar allaqachon Belarusda, ularga qarindoshlari bilan bog‘lanish imkoniyati berilgan. Tez orada ular reabilitatsiya va davolanish uchun olib ketiladi.

Muddatli harbiy xizmatchilar chegara qo‘riqlash guruhi tarkibida bo‘lgan va 6 avgust kuni Ukraina qurolli kuchlari Kursk oblastiga hujum qila boshlaganida jangga kirishishga majbur bo‘lgan. Turli manbalarga ko‘ra, 100 dan 300 tagacha muddatli harbiy xizmatchi asirga olingan bo‘lishi mumkin.

“Vajnie istorii” nashri 45 nafar asir va 84 nafar bedarak yo‘qolgan harbiy xizmatchining shaxsini aniqlashga muvaffaq bo‘ldi. Bular asosan 488-motoo‘qchi polkining askarlari (Klinsi, Bryansk oblasti). Jangchilarning yoshi 18-24 yoshda, ularning ko‘pchiligi Komi va Sibir hududlaridan, shuningdek, Boshqirdiston, Tatariston va Kavkazdan kelgan.