Urush boshlanganidan buyon Rossiya Ukrainaning bosib olingan hududlaridagi donni sotishdan 6,4 mlrd dollargacha foyda oldi

Ukraina rasmiylari va ekspertlarining ma’lumotlariga ko‘ra, bosib olingan hududlardan to‘g‘ridan-to‘g‘ri g‘alla yetkazib berish Rossiyaga qariyb 1 milliard dollar olib kelgan, uni sotishdan tushgan umumiy daromad esa 6,4 milliard dollarga yetgan.

The Wall Street Journal (WSJ) xabariga ko‘ra, “Birlashgan kemasozlik korporatsiyasi” don eksportiga Qrimning sobiq ma’muriyati rahbarining o‘g‘liga aloqador kompaniyalar va Birlashgan Arab Amirliklariga mahsulot yetkazib beruvchi savdogarlar jalb qilingan.

“2022-yildan beri bosib olingan hududlardan g‘alla va boshqa mahsulotlarni xalqaro bozorlarga yetkazib berish hajmi kamida 4 million tonnani tashkil etgan va bu 800 million dollar daromad keltirgan”, – deydi Dmitrasevich. Biroq, sezilarli darajada ko‘proq don quruqlikda yoki kichik kemalarda eksport qilingan va Ukrainaning Texty notijorat tashkiloti hisob-kitoblariga ko‘ra, eksport qilingan donning umumiy qiymati 6,4 milliard dollarga yetishi mumkin.

Ishg‘ol qilingan hududlardagi dehqonlar o‘z hosilini bozor narxidan past narxlarda sotishga majbur bo‘lgan yoki ularning hosili shunchaki musodara qilingan. 2022-yil avgust oyida Xerson viloyatidagi elevatorlardan birida don musodara qilingan. Uning egasining so‘zlariga ko‘ra, uning uyiga qurollangan odamlar bostirib kirgan, ulardan biri FSB xodimi ekanini tasdiqlovchi guvohnomasini ko‘rsatgan.

Bunday fermer xo‘jaliklarining mahsulotlari Qora dengizdagi portlarga yuk mashinalari va temir yo‘llar orqali jo‘natiladi. Noqonuniy eksportning eng yirik markazlari Sevastopol, Mariupol va Berdyansk hisoblanadi.