Jey Di Vens Tramp bilan birgalikda vitse-prezident lavozimiga nomzodini qo‘yishga rozi bo‘ldi
Ogayo shtatidan senator Jey Di Vens davlat prezidentlikka nomzod Donald Tramp bilan birgalikda Respublikachilar partiyasidan AQSH vitse-prezidenti lavozimiga o‘z nomzodini qo‘yishga roziligini rasman e’lon qildi, deb yozadi “Kommersant”. Uning ta’kidlashicha, g‘alabaga erishgan taqdirda, respublikachilar “so‘z erkinligi va ochiq g‘oyalar almashinuvi”ni qo‘llab-quvvatlaydi.
“Amerika Qo‘shma Shtatlari vitse-prezidenti lavozimiga nomzod bo‘lish taklifini mamnuniyat va minnatdorlik tuyg‘usi bilan rasman qabul qilishimni bildiraman”, — dedi Vens Miluokida Respublikachilar partiyasi qurultoyida nutq so‘zlayotib.
Eslatib o‘tamiz, 15-iyul, Respublikachilar partiyasi qurultoyining birinchi kuni delegatlarning ko‘pchilik ovozi bilan Tramp AQSH prezidentligiga nomzod sifatida ilgari surilgan edi. U vitse-prezidentlikka nomzod sifatida senator Jey Di Vensni tanlaganini e’lon qildi.
Jey Di Vens 39 yoshda. 2023-yil yanvaridan u AQSH Kongressida Respublikachilar partiyasining Ogayo shtatidan senatori lavozimini egallab keladi. 2016-yilgi saylovlardan avval u Trampni tanqid qilgan, biroq 2018-yilda o‘z pozitsiyasini o‘zgartirgan va 2020-yilgi saylovda uni qo‘llab-quvvatlagan edi.
If you have found a spelling error, please, notify us by selecting that text and pressing Ctrl+Enter.
Tavsiyalr
Rossiya Dneprga otgan yangi “Oreshnik” raketasi to‘g‘risida nimalar ma’lum?
“Biz Rossiya bilan urush qilyapmizmi?” —radio tinglovchilar bu haqda Buyuk Britaniya bosh vaziridan so‘rashdi
AQSh maxsus xizmatlari mamlakatning mudofaa korxonalarida qo‘poruvchilik harakatlari sodir etilishidan xavotirda
Orban Xalqaro jinoiy sudning Netanyaxuni hibsga olishga bergan orderini “beadablik” deb atadi
Amerikalik o'z o'limidan soxta o'z oilasidan qochib, o'zbekistonlik ayolga qochgan
USD
EUR
RUB
Sharhlar