Volgograd masjidining mullasi muzokaralar uchun 19-sonli axloq tuzatish koloniyasiga olib boriladi

Tez orada 19-sonli axloq tuzatish koloniyasiga radikallar bilan muzokara o‘tkazish uchun Volgograddagi masjid mullasi olib boriladi. Bu haqda Mash Telegram-kanali xabar beradi.

Kanal ma’lumotlariga ko‘ra, mullani yetkazish uchun bir yarim soatga yaqin vaqt kerak bo‘ladi.

Avvalroq 19-sonli axloq tuzatish koloniyasida odamlar garovga olingani haqida ma’lum bo‘lgan edi. Mahbuslar Volgograd oblastining Surovikino rayonida joylashgan ushbu koloniyaning kamida uch xodimini o‘ldirgan. Shuningdek, bir necha kishi garovga olingani haqida xabarlar bor.

Volgograd yaqinidagi 19-sonli axloq tuzatish muassasasida odamlarni garovga olgan mahbuslar o‘zlarini IShID terrorchilik tashkiloti tarafdorlari deb atagan.