Wildberries marketpleysi egasining sobiq turmush o‘rtog‘i Qirg‘iziston fuqaroligini olgan

Wildberries egasining sobiq turmush o‘rtog‘i Vladislav Bakalchuk Qirg‘iziston fuqaroligiga ega. Bu haqda Bakalchuk o‘zining Telegram-kanalida sobiq rafiqasi Tatyana Kim va prezident Sadir Japarov bilan birga tushgan suratini e’lon qilgan holda ma’lum qilgan.

“Men Qirg‘iziston fuqaroligini bahorda olgandim – bu ajoyib va ​​do‘stona mamlakatda biznes yuritishimga yordam beradigan qadam. Qirg‘iziston biz yirik logistika markazini qurishni rejalashtirgan davlatlardan biri va, endi ishonchim komilki, men kompaniyaga qaytishim bilan buni imkon qadar samarali bajara olaman”, — deb yozagandi u.

Bu yozda Wildberries kompaniyasining eng yirik tashqi reklama operatori Russ guruhi bilan birlashishi e’lon qilinganidan keyin er-xotin Bakalchuklar o‘rtasidagi mojaro haqida ma’lum bo‘ldi. Wildberries asoschisi, Wildberries kompaniyasining 99% ga egalik qiluvchi Tatyana Kim bozorda 1% ulushga egalik qiluvchi Vladislav Bakalchuk bilan ajrashish uchun ariza beradi. Bakalchukning o‘zi kompaniya reyderlik bosqinchiligiga  duchor bo‘lganini va uning biznesi “siqib chiqarilayotganini” aytadi.

Checheniston rahbari Ramzan Qodirov Bakalchukning tarafini oladi. Sentyabr oyi o‘rtalarida Moskva markazidagi Wildberries ofisi yaqinida otishma bo‘ladi, unda ikki kishi halok bo‘ladi, yana bir necha kishi yaralanadi. Wildberries ofisidagi otishma bo‘yicha Jinoyat kodeksining beshta moddasi, jumladan, qotillik bo‘yicha jinoiy ish qo‘zg‘atilgan. Wildberries kompaniyasining ta’kidlashicha, Vladislav Bakalchuk ofisga “noqonuniy ravishda kirishga” uringan.