Xarris o’zining tibbiy ma’lumotlarini e’lon qildi

Kamala Xarris o’zining tibbiy ma’lumotlarini e’lon qildi. Ma’lumotnomaga ko’ra uning sog’lig’i “a’lo darajada” va u o’zini prezidentlikka munosib nomzod deb hisoblamoqda. Bu haqida BBC xabar bermoqda.

Oshkora qilinganidan so’ng, Xarris Donald Trampni o’zining sog’lig’i haqidagi ma’lumotlarini oshkor etmayotganligi uchun bu yerda shaffoflik yo’qligida aybladi.

Trampning jamoasi uning tibbiy yozuvlarini oshkor qilmasdan, shifokoridan iqtibos keltirgan holda, uning “salomatligi mukammal va a’lo darajada” ekanini aytgan.

Trampning saylovoldi kampaniyasi respublikachi nomzodning “juda band va faol saylovoldi rejalari” borligini aytgan va Xarrisda “prezident Trampnikidek bardoshi yo’qligini” ta’kidlagan.

Ushbu munozara Oq uy vitse-prezident Xarris prezident lavozimida ishlash uchun zarur bo’lgan “jismoniy va ruhiy chidamlilikka ega” degan tibbiy hisobotni e’lon qilganidan keyin boshlandi.

Uch yildan ortiq vaqt davomida Xarrisning shifokori bo’lgan doktor Joshua Simmons aprel oyida uning so’nggi jismoniy holati oddiyligini hamda u sog’lom va faol hayot tarzini saqlab qolganini qo’shimcha qilgan.

Joshua Simmons, shuningdek, Xarrisning oilaviy tarixida yo’g’on ichak saratoni borligini va allergiya bilan og’riganini, u tavsiya etilgan profilaktik yordamni, shu jumladan kolonoskopiya va yillik mamogrammalarni o’tkazishni davom ettirishini ta’kidlagan.

Tibbiy ma’lumotlar e’lon qilingandan so’ng, Xarris kampaniyasi vakili ijtimoiy tarmoqdagi postida: “navbat sizga, Donald Trump” deb post joylagan.