Xitoy Ukrainaga Amerika dronlari yetkazib berish rejalarini buzdi

AQShning dron ishlab chiqaruvchi Skydio kompaniyasi Xitoy tomonidan sanksiyaga uchraganidan so‘ng ta’minot zanjiri uzilib qolishiga duch keldi. Bu haqda Financial Times nashri yozadi.

Pekin xitoylik kompaniyalarga Skydio’ga dronlar ishlab chiqarish uchun muhim komponentlar, jumladan batareyalar yetkazib berishni taqiqladi. Endi kompaniya shoshilinch ravishda muqobil yetkazib beruvchilarni qidirmoqda. Osiyo, jumladan, Tayvan ishlab chiqaruvchilari bilan muzokaralar olib bormoqda.

“Bu Amerikaning yetakchi dron kompaniyasini yo‘q qilishga va dunyoning Xitoy dronlariga qaramligini oshirishga urinish”, – deydi Skydio bosh direktori Adam Bray. U bu haqda bir kun avval kompaniya mijozlarga yuborgan  maktublarida yozgan. Ularning ta’kidlashicha, Skydio o‘zining dronlari bilan yetkazib beradigan batareyalar sonini cheklaydi va bahorgacha yangi yetkazib beruvchilar paydo bo‘lishini kutmaydi.

Skydio ham muammolar haqida Amerika rasmiylariga xabar bergan. Ular Xitoy Ukrainaga Amerika dronlarini yetkazib berishni to‘xtatayotganidan xavotirda.

Skydio Ukrainani razvedkachi dronlar bilan ta’minlaydi – kompaniya ma’lumotlariga ko‘ra, ular Kievga ushbu dronlardan 1000 dan ortig‘ini jo‘natgan. Skydio dronlari urush jinoyatlarini hujjatlashtirish uchun ham ishlatiladi.

Bundan tashqari, kompaniya o‘zining so‘nggi X10 modeli Ukrainada elektron urush sinovlaridan o‘tgan birinchi Amerika droniga aylanganini bildirgan. Bu ularni cho‘ktirish qiyinligini anglatadi. Ma’lumotlarga ko‘ra, Kiуev minglab shunday dronlarni so‘ragan.

Xitoy bir necha hafta oldin AQShning bir qancha kompaniyalariga, jumladan Skydio’ga ham sanktsiyalar joriy qilgan edi. FT nashrining yozishicha, Pekin yozda Vashington Tayvanga hujumchi dronlarni yetkazib berishga ruxsat bergani uchun qasos sifatida amerikalik ishlab chiqaruvchilarga ehtiyot qismlarni sotishni taqiqlagan. Skydio kompaniyasining Tayvandagi yagona mijozi – Milliy o‘t o‘chirish agentligi.

Aprel oyida WSJ nashri Skydio dronlari Ukrainadagi urushda yomon ishlaganini. Shu sababli Kiev Xitoyning dronlaridan foydalanishga majbur ekanligi haqida yozgan edi. Nashrning yozishicha, Ukraina Xitoyning o‘n minglab dronlarini, shuningdek, ularning ehtiyot qismlarini olish yo‘lini topgan. Ukrainada asosan Xitoyning DJI kompaniyasining dronlaridan foydalaniladi. Bundan tashqari, Ukraina Xitoy mahsulotlariga tayanib, mahalliy dron sanoatini rivojlantirgan.

Rossiya ham Ukrainaga qarshi urushda dronlar uchun Xitoy komponentlaridan foydalanmoqda. Sentyabr oyi oxirida Reuters agentligi Rossiya Federatsiyasi “Garpiya-A1” dronlarini ishlab chiqarish uchun Xitoy dvigatellaridan foydalanayotgani haqida xabar bergan edi. Xitoy ham Rossiya tomonidan boshqariladigan  “Garpiya-3” nomli dronni faol ravishda ishlab chiqmoqda.