Yevropa Ittifoqi Rossiyaga qarshi yangi sanksiyalar rejimini tasdiqladi

Yevropa Ittifoqi Kengashi Moskvaning xorijda amalga oshirayotgan “beqarorlashtiruvchi” harakatlariga javoban Rossiyaga qarshi yangi sanksiyalar mezonlarini tasdiqladi. Bu haqda YeI Kengashi saytida xabar berildi.

Yangi sanktsiyalar rejimi YeIga “Yevropa Ittifoqi va uning a’zo davlatlari, xavfsizligi, mustaqilligi va yaxlitligi, shuningdek xalqaro tashkilotlar va uchinchi mamlakatlarning asosiy qadriyatlarini zaiflashtiruvchi” harakatlarda ishtirok etuvchi jismoniy va yuridik shaxslarni ta’qib qilish imkonini beradi.

YeI talqiniga ko‘ra, sanktsiyalarning yangi mezonlari turli “gibrid tahdidlar”ga qarshi turish imkonini beradi: saylov jarayonlarini izdan chiqarish va demokratik institutlar faoliyatini buzish, jamoat manfaatlariga xizmat qiluvchi iqtisodiy faoliyatni izdan chiqarish, muvofiqlashtirilgan dezinformatsiyadan foydalanish, kiber hujumlar, migrantlardan foydalanish.

“Bugungi qaror Tashqi ishlar bo‘yicha Oliy vakil Jozep Borrel taklifiga asoslangan bo‘lib, u Rossiyaning so‘nggi paytda Yevropa hududidagi yangi operatsiyalar hisobiga kuchaygan gibrid faoliyat kampaniyasiga YeIning javobining bir qismidir”, – deyiladi xabarda.

Yangi sanktsiyalarga tushganlarning aktivlari muzlatiladi va ularga Yevropa Ittifoqiga kirish taqiqlanadi, YeI fuqarolari va kompaniyalariga esa ularga pul mablag‘lari taqdim etish taqiqlanadi.