Yevropa kengashi Kursk oblastiga kelgan jurnalistlarga tahdidi uchun Rossiyani qoraladi

Yevropa kengashi Italiyaning RAI telekanali jurnalistlari Stefaniya Battistini va Simone Trainiga nisbatan Rossiya Federatsiyasida “chegarani noqonuniy kesib o‘tish” uchun qo‘zg‘atilgan jinoiy ishlarga javob reaktsiyasini ko‘rsatdi.

Ulardan tashqari, Rossiya Federatsiyasi Kursk oblastining Ukraina qurolli kuchlari tomonidan bosib olingan qismidan xabarlar Ukraina jurnalistlari, shuningdek, Amerikaning CNN telekanali tomonidan amalga oshirilgan – ularga ham ushbu modda bo‘yicha ish qo‘zg‘atilgan.

“Rossiyaning xorijlik jurnalistlarni “qo‘rqitishi” “tsenzuraga teng bo‘lib, jamoatchilik fikrining davom etayotgan amaliyotlar haqida ma’lumot olishiga to‘sqinlik qilishga qaratilgan”, – deyiladi Yevropa Kengashining jurnalistika va jurnalistlar xavfsizligini himoya qilish platformasi bayonotida.

Bayonot mualliflarining ta’kidlashicha, jurnalistlarga Kreml siyosati tarafdorlari tomonidan ham o‘lim bilan tahdid qilingan. Ular tegishli organlardan “tahdidlarni tez va har tomonlama tekshirishni” va kerak bo‘lganida OAV xodimlarini himoya qilishni so‘rashgan.