Yevroparlament Rossiya ichkarisiga zarba berishga ruxsat etish chaqirig‘i bildirilgan rezolyutsiyani qabul qildi

Yevroparlament deputatlari ko‘pchilik ovoz bilan Yevropa Ittifoqi (YeI) davlatlarini Ukraina Qurolli Kuchlari (UQK) tomonidan Rossiya ichkarisiga zarba berishga qo‘yilgan barcha cheklovlarni bekor qilishga chaqiruvchi rezolyutsiyani qabul qildi. Bu haqda RIA Novosti xabar beradi.

Qaror ko‘pchilik ovoz bilan qabul qilingan: 425 deputat yoqlab chiqqan, 131 deputat qarshi, 63 deputat betaraf qolgan. Shuni ta’kidlash kerakki, Yevropa Parlamentining tashqi siyosat masalalari bo‘yicha qarorlari maslahat xarakteriga ega va Yevropa Ittifoqi institutlari yoki a’zo davlatlar uchun majburiy emas.

“Yevropa parlamenti a’zo davlatlarni Rossiya hududidagi qonuniy harbiy nishonlarga qarshi Ukrainaga yetkazib berilgan G’arb qurol-yarog‘ tizimlaridan foydalanishga qo‘yilgan cheklovlarni zudlik bilan bekor qilishga chaqiradi, chunki bu Ukrainaning xalqaro huquq va qonunlarga muvofiq o‘zini himoya qilish huquqini to‘liq amalga oshirishiga to‘sqinlik qiladi. Ukrainani himoyasiz qoldiradi”, deyiladi hujjat matnida.

Shu bilan birga, deputatlar “o‘q-dorilar va qurol-yarog‘larning yetarli darajada ta’minlanmagani, shuningdek, ulardan foydalanish bo‘yicha cheklovlar hozirgacha qilingan sa’y-harakatlarga putur yetkazish bilan tahdid qilishini” ta’kidladilar. Yevroparlament qo‘shimcha o‘q-dorilar, jumladan, «Taurus» raketalarini yetkazib berishni talab qilmoqda.

Shu bilan birga, deputatlar Rossiyaga qarshi sanktsiyalarni kengaytirishni davom ettirish, shuningdek, Kiуevga rossiyaliklarning muzlatilgan aktivlaridan tushgan daromadni qaytarish bilan 50 milliard yevro miqdorida kredit ajratishni tezlashtirishga chaqirdi.