Zelenskiy: Pokrovsk yaqinidagi vaziyat “juda og‘ir”

Ukraina prezidenti Vladimir Zelenskiy 28-avgust kuni kechki murojaatida Pokrovsk viloyati va Donetsk viloyatidagi harbiy amaliyotlarning boshqa hududlaridagi vaziyat “o‘ta og‘ir”ligicha qolayotganini aytdi.

Uning so‘zlariga ko‘ra, Rossiya kuchlarining asosiy sa’y-harakatlari u yerda jamlangan va hozirda har bir Ukraina bo‘linmasining barqarorligi va dushmanni yo‘q qilish qobiliyati muhim.

Zelenskiy, shuningdek, Ukraina qurolli kuchlarining Rossiyaning Kursk viloyatida hujumkor operatsiyasi davom etishi va rossiyalik harbiy xizmatchilar qo‘lga olinganini ma’lum qildi.

Uning ta’kidlashicha, Ukraina Qurolli kuchlari Ukraina chegarasi yaqinidagi hududlar ustidan nazoratni kengaytirish va ayirboshlash fondini to‘ldirishda davom etmoqda, bu esa, uning fikricha, Rossiya armiyasining Donetsk viloyatiga qo‘shimcha kuchlarni o‘tkazishiga imkon bermaydi.

Bundan tashqari, Zelenskiy Rossiya harbiy-havo kuchlarining Xarkov viloyatidagi Kupyansk shahri markaziga bergan zarbasi natijasida tinch aholi vakillari qurbon bo‘lganini ma’lum qildi.

Xarkov viloyati prokuraturasi maʼlumotlariga koʻra, FAB-500 boshqariladigan bomba zarbasi oqibatida kamida 16 kishi jarohatlangan. Turar-joy binolari, yordamchi inshootlar, avtomobillar va boshqa infratuzilmalarga zarar yetgan.