Vladimir Zelenskiy Donald Tramp bilan telefon orqali muloqot qildi

Telefon orqali muloqot chog‘ida Vladimir Zelenskiy Donald Trampni Respublikachilar partiyasidan saylangani bilan tabrikladi. Ukraina prezidenti idorasi boshqa tafsilotlarni keltirmadi.

Shu bilan birga, Zelenskiyning o‘zi ham suhbatda demokratlar va respublikachilar tomonidan Ukrainani qo‘llab-quvvatlash muhimligini qayd etganini qo‘shimcha qildi. Ukraina prezidenti Donald Tramp bilan shaxsiy uchrashuvini ham e’lon qildi:

“Biz prezident Tramp bilan shaxsiy uchrashuvda [Rossiya va Ukraina oʻrtasida] tinchlikni adolatli va chinakam mustahkam qilish uchun qanday qadamlar qoʻyishi mumkinligini muhokama qilishga kelishib oldik”.

Muzokaralar yakunida AQShning 45-prezidenti Truth Social ijtimoiy tarmog‘ida post e’lon qildi va suhbat uchun Zelenskiyga minnatdorchilik bildirdi.

“Menga murojaat qilgani uchun prezident Zelenskiydan minnatdorman, chunki men Qo‘shma Shtatlarning keyingi prezidenti sifatida dunyoga tinchlik o‘rnataman va ko‘plab odamlarning hayotiga zomin bo‘lgan va son-sanoqsiz begunoh oilalarni vayron qilgan urushga barham beraman”, dedi Tramp.

Vladimir Zelenskiy va Donald Tramp Tramp AQSh prezidentligidan ketganidan keyin birinchi marta rasmiy telefon orqali muloqot qilishdi. CNN avvalroq manbalarga tayanib, bunday suhbat 19 iyulga rejalashtirilgani haqida xabar bergan edi.