Zelenskiy Ukrainada safarbarlik yoshini pasaytirish chaqiriqlariga javoban UQKda odam emas, qurol yetishmayotganini bildirdi

Ukraina prezidenti Vladimir Zelenskiyning so‘zlariga ko‘ra, ayrim Yevropa yetakchilari Ukrainada safarbarlik yoshini pasaytirish tarafdori. Biroq Ukraina yoshlarni shunchaki o‘limga jo‘nata olmaydi, chunki G’arbning yordami yetarli emas, deydi Zelenskiy Sky News telekanaliga bergan intervyusida.

“Men ular nimani xohlashlarini so‘radim. Bizning askarlarimiz qurolsiz o‘lishlari kerakmi? Men yosh yigitlarni safarbar qilaymi, lekin ular qaerga borishadi? Qanday qurol bilan? – deydi prezident.

Uning eslatishicha, Ukraina bir yildan ko‘proq vaqt oldin Ukraina qurolli kuchlarining 10 ta brigadasini jihozlashni so‘ragan. Ulardan Yevropa va AQSh faqat ikki yarim brigadani jihozlashga muvaffaq bo‘lgan.