Zimbabveda ocharchilik tahdidi tufayli 200 ta fil go‘sht uchun so‘yiladi

Zimbabve hukumati misli ko‘rilmagan qurg‘oqchilik sharoitida oziq-ovqat tanqisligi xavfi tufayli 1988-yildan beri birinchi marta fillarni o‘ldirishga ruxsat berdi. OAV xabarlariga ko‘ra, ovchilarga 200 ta filni o‘ldirish topshirilgan.

Afrika qit’asining janubiy qismida joylashgan mamlakatda “kerakdan ko’ra ko’proq fillar bor”, dedi Zimbabve atrof-muhit vaziri parlament tinglovida.

ZimParks ijrochi direktori Fulton Mangvanyaning aytishicha, fil ovi “odamlar to’qnashuvi” sodir bo’lgan hududlarda , jumladan, Zimbabvening eng katta qo’riqxonasi joylashgan Xvangeda bo’lib o’tadi.

Yovvoyi hayvonlarni oziq-ovqat uchun o’ldirishga qaror qilgan qo’shni Namibiya tajribasidan iqtibos keltirgan holda, rasmiylar ” go’shtni quritish, qadoqlash va oqsilga muhtoj bo’lgan jamoalarga etkazib berish uchun ayollarni safarbar qilishni ” rejalashtirmoqda.

Bir qator ekspertlar va hayvonlar huquqlari faollarining fikricha, rasmiylarning tabiiy ofat oqibatlariga qarshi kurash choralari mamlakat imidjiga salbiy ta’sir ko‘rsatishi va axloqiy sabablarga ko‘ra turistlarni Zimbabvega tashrif buyurishdan qaytarishi mumkin.

Zimbabveda 100 000 ga yaqin fil yashaydi, bu dunyoda Botsvanadan keyin ikkinchi o’rinda turadi.

Butunjahon yovvoyi tabiat jamg’armasi (WWF) ma’lumotlariga ko’ra, qit’ada atigi 415 000 ga yaqin fil qolgan (XX asr boshlarida ularning soni 3 dan 5 milliongacha edi). Janubiy Afrika, Botsvana, Namibiya va Zimbabvedagi populyatsiyalar bundan mustasno, Osiyo va Afrika fillari yo’qolib ketish xavfi ostida hisoblanadi, ular “zaif ” turlar deb tasniflanadi.