Франсуа Шаплен Тошкентда яккахон концерт дастурини тақдим этади

Франциялик пианиночи Франсуа Шаплен икки дастур билан классик мусиқа ихлосмандларини хурсанд қилиш учун Тошкентга қайтмоқда.

Мусиқачи буюк бастакорларнинг дурдоналарига бағишланган яккахон концерт дастурини тақдим этади, Франсуа Шаплен  маэстро Камолиддин Ўринбоев бошчилигидаги Давлат симфоник оркестри билан чиқиш қилади. Ҳар икки концерт Давлат консерваториясининг катта концерт залида 24 ва 27 октябрь кунлари бўлиб ўтади.

24 октябрь куни Франсуа Шаплен пианино ихлосмандларини Дебюсси, Рамо, Скрябин, Бородин, Шуберт, Бетховен каби композиторларнинг асарларидан иборат махсус дастур билан яккахон концертига таклиф қилади.

27 октябрь куни пианиночи Давлат симфоник оркестри солисти сифатида чиқиш қилади ва у ерда Морис Равелнинг соль-мажор фортепиано концертини ижро этади. Маэстро Камолиддин Ўринбоев бошчилигидаги оркестр Пуленкнинг «Синфониетта» асарини ҳам ижро этади.

Франсуа Шаплен оркестрлар билан яккахон ижро этади ва Ля Рок Д’Антерон каби мусиқа фестивалларида қатнашади. Ўтган йили у Шопеннинг тўлиқ 19 та вальсдан иборат альбомини нашр этди, бу альбом Шуман, Шопен, Брамс, Скрябин, Дебюсси, Пуленк ва бошқаларнинг дисклари каби, танқидчилар томонидан кўплаб ижобий баҳоларга сазовор бўлди. Унинг Клод Дебюссининг тўлиқ пианино асарлари ёзилган диски бастакор дискографияси тарихидаги энг яхшиларидан бири ҳисобланади.

Чипталар iTicket.UZ онлайн чипталар буюртмаси тизими орқали ва Ўзбекистон Давлат консерваторияси қошидаги Мусиқали театр студияси кассаларида сотилади. Чипталарга доир саволлар бўйича 94 640 57 34 телефон рақамига қўнғироқ қилиш мумкин.