«Алмалыкский рабочий» таҳририяти ҳамда Қозоғистон, Қирғизистон ва Тожикистон экологлари биргаликда минтақанинг йирик шаҳарларидаги ҳавонинг ифлосланиш даражасини тадқиқ қилди ва реал статистикани аниқлади. Аммо рақамлар – умидсизликка тушиш учун сабаб эмас, балки кишининг яхши атроф-муҳитга бўлган қонуний ҳуқуқини амалга ошириш учун воситадир.

Бутун дунё COVID-19 пандемияси ва унинг оқибатларига қарши курашаётган бир пайтда одам томонидан яратилган хавфли душман “тинч қотил” – ифлос ҳаво бизга ҳужум қилмоқда. Жаҳон соғлиқни сақлаш ташкилоти (ЖССТ)нинг ҳисоб-китобларига кўра, ҳар йили ифлосланган ҳафо туфайли етти миллионга яқин киши нобуд бўлар экан.

Ҳаво ифлосланиши билан шартланган барча ўлимларнинг 90% дан ортиғи даромади паст ва ўртача бўлган мамлакатларда қайд этилмоқда. Биринчи навбатда бу Осиё ва Африка мамлакатлари, улардан кейин Шарқий Ўрта ер денгизи, Европа ва Америкадаги даромади паст ва ўртача минтақалар келади. Марказий Осиё мамлакатлари ҳам энг ифлосланган ва ҳаёт учун хавфли мамлакатлар ва шаҳарлар рўйхатига тез яқинлашмоқда.

Ушбу материал Қозоғистон, Қирғизистон, Тожикистон ва Ўзбекистон (хусусан, Олмалиқ) аҳолиси нима билан нафас олиши ва нимадан касалланишини аниқлашга бўлган уринишдир.

Лойиҳа билан бу ерда танишиш мумкин.