“O’zbekiston 24” канали ўз фаолиятини радио соҳасидан бошлайди

Яқинда “O'zbekiston 24” канали учта – телевизион, радио ва интернет-портал форматида ишлай бошлаши ҳақида маълум бўлди.

Миллий телерадиокомпания директорининг ўринбосари Бобир Алихоновнинг сўзларига кўра, биринчи бўлиб радиоканал очилади, кейин интернет-канал ва охирида телеканал ўз фаолиятини бошлайди.

Шунингдек, учта форматнинг ҳаммаси фойдаланувчилар учун бепул бўлиши, ахборотнинг асосий қисмини таҳлилий ва танқидий материаллар ташкил этиши ҳам қайд этилди.