Велосипедлар, тирик балиқ ва мис сим: энди уларни олиб кирганлик учун бож тўлашга тўғри келади

2020 йил 1 январдан бошлаб, ҳозир нол ставка бўйича олиб кирилаётган 300 дан ортиқ товарни олиб киришга бож ставкалари белгиланди. Бу Президентнинг 2 октябрдаги қарори билан тасдиқланди.

Шундай товарлар орасида антиквар буюмлар, велосипедлар, тирик балиқ, денгиз маҳсулотлари, шағал, асбест, металл мато, қуйма шиша, пружиналар, мис сим ва бошқалар бор. Ушбу маҳсулотларни олиб кирганлик учун товар қийматининг 5% ва ундан юқори фоизи миқдорида бож тўлаш керак бўлади.