Россия халқаро қидирувда бўлган жиноятчини Ўзбекистонга топширди
Россия Федерацияси Бош прокуратураси Ўзбекистон фуқароси Шерзод Шохўжаевни жиноий жавобгарликка тортиш учун Ўзбекистон Республикасининг ҳуқуқни муҳофаза қилиш органларига топширишга қарор қилди. Ушбу шахс Ўзбекистон Жиноят кодексининг 135-моддаси 3-қисми “г” бандида кўзда тутилган жиноятни (одам савдоси) содир этганликда айбланади, дея хабар беради Саратов вилояти прокуратурасининг матбуот хизмати.
Қайд этиб ўтамиз, 1985 йилда туғилган Шерзод Шохўжаев содир этган жиноятлари учун халқаро қидирувда бўлган. У 2013 йилда бир неча бор Ўзбекистондаги уюшган гуруҳ таркибида ўзбек фуқароларига ишга жойлаштиришни, яхши маош ва шароитларни кафолатлаган ҳолда, уларни ноқонуний ишлатиш мақсадида ёллаб келган.
Хусусан, Шохўжаев ўзбекистонлик фуқароларни давлат чегарасидан Россияга ўтказиб қўйиб, бу ерда шериклари билан бирга жабрланувчиларнинг паспортларини олиб қўйган, уларни иш ҳақини бермаган ҳолда турли объектларда ишлашга мажбур қилган.
Ўзбекистонда Шохўжаевга саккиз йилдан ўн икки йилгача озодликдан маҳрум этиш жазоси берилиши мумкин.
If you have found a spelling error, please, notify us by selecting that text and pressing Ctrl+Enter.
Тавсиялар
Россия Днепрга отган янги “Орешник” ракетаси тўғрисида нималар маълум?
“Биз Россия билан уруш қиляпмизми?” —радио тингловчилар бу ҳақда Буюк Британия бош вазиридан сўрашди
АҚШ махсус хизматлари мамлакатнинг мудофаа корхоналарида қўпорувчилик ҳаракатлари содир этилишидан хавотирда
Орбан Халқаро жиноий суднинг Нетаньяхуни ҳибсга олишга берган ордерини “беадаблик” деб атади
Ослода АҚШ элчихонасининг қўриқчиси Россия ва Эрон фойдасига жосуслик қилишда гумон қилиниб ҳибсга олинди
USD
EUR
RUB
Шарҳлар