Банклар қарз олувчининг суғурта компаниясини танлаш ҳуқуқини чекламайди

Энди банклар қарз олувчи ва гаров олувчининг суғурта компанияси ва баҳоловчини танлаш ҳуқуқини чекламайди. Бу ҳақда Банк хизматларининг истеъмолчилари билан ўзаро муносабатларни амалга оширишда тижорат банкларининг фаолиятига қўйиладиган минимал талаблар тўғрисидаги низомда сўз боради.

Қарз олувчи томонидан кредит ёки кредит бўйича қарз суммасини тўлаш мажбуриятлари бажарилган куни банк уч иш кунидан кечиктирмасдан:
– гаровдаги мулкни тақиқдан чиқариш;
– банкнинг гаровдаги мулкка нисбатан ҳуқуқлари тўғрисидаги ёзувларни гаров реестридан чиқариш бўйича чораларни кўриши зарур.