Алишер Усмонов Ўзбекистонга ўз ҳисобидан 500 минг дона вакцина юборади

Алишер Усмонов ўз ҳисобидан Ўзбекистонга 500 минг вакцина олиб беради. Бу ҳақда президент Шавкат Мирзиёев Халқ депутатлари Наманган вилояти кенгашининг навбатдан ташқари сессиясида маълум қилди, деб ёзади “Газета” нашри.
 
«Алишер Бурхонович 1 млн вакцинадан 500 мингини ўзимни ҳисобимдан олиб бераман, деди. ”Мен Наманганни яхши кўраман, биринчи 50 мингини уларга беринг” деб илтимос қилди. Бу эмлаш масаласини ҳам кўриб чиқаяпмиз», — дейди давлат раҳбари.
 
Давлат раҳбари COVID-19`га қарши курашиш бўйича чоралар натижасида коронавирус билан чалиниш ҳолатлари камайганини айтади.
 
«Бугун эрталаб менга хабар қилишди, Ўзбекистонда коронавирусга чалиниш бўйича атиги 11 та ҳолат аниқланган. Бу жуда катта натижа. Биз кўрган чоралар мана шундай натижага эришишимизга замин яратди», – дея таъкидлади президент.