Иқтисодиёт ва саноат вазирлиги ўзгаради

Ўзбекистон Иқтисодиёт ва саноат вазирлиги Иқтисодий ривожланиш ва камбағалликни қисқартириш вазирлигига айлантирилади. Бу ҳақда президент Шавкат Мирзиёев раислигида ўтказилган видеоселектор йиғилишидан кейин маълум бўлди.

Давлат раҳбарининг матбуот хизмати тарқатган хабарга кўра, йиғилишда аҳоли даромадини ошириш ва янги иш ўринларини яратишни рағбатлантириш йўли билан камбағалликни пасайтириш масалаларига алоҳида эътибор қаратилган.