Меҳнат органлари ходимларининг малакасини ошириш республика курслари мансабдор шахслари, “A” хусусий корхонаси раҳбари ва бошқалар олдиндан тил бириктириб, ўртача бозор баҳоси 338,4 миллион сўмни ташкил этувчи 126 дона турли маиший техникани 653,1 миллион сўмга, яъни 314,7 миллион сўмга қиммат нархларда харид қилиб, бюджет маблағини талон-торож қилгани аниқланди. Бу ҳақда ЎзА хабар беради.

Ушбу ҳолат ҳақида Бош прокуратура ҳузуридаги Департаментнинг Сергели тумани бўлими томонидан ўтказилган терговга қадар текширувида маълум бўлган. 

Мазкур ҳолат юзасидан Жиноят кодексининг 167-моддаси (талон-торож қилиш) билан жиноят иши қўзғатилиб, тергов ҳаракатлари ўтказилмоқда.

Қайд этиб ўтамиз, Меҳнат вазирлиги республика курсларининг таъсисчиси ҳисобланади. Республика курслари Меҳнат вазирлигининг юридик мақомга эга мустақил тузилмаси ҳисобланади.