Президент Наманганда 10 минг тонна асал ишлаб чиқарувчи мажмуани ишга туширишни топширди

Давлат раҳбари асаларичиликни ривожлантириш бўйича комплекс дастур ишлаб чиқиш, Наманган шаҳрида 10 минг тонна экспортбоп асал тайёрлаш, қадоқлаш ва сотишга ихтисослашган комплексни ишга тушириш бўйича топшириқлар берди. Бу ҳақда Ўзбекистон президентининг матбуот хизмати хабар беради.

Эслатиб ўтамиз, Шавкат Мирзиёев иш сафари билан Наманганга ташриф буюрган. Наманган вилоятининг Учқурғон туманида президент йилига 1,5 минг тонна балиқ маҳсулотларини ишлаб чиқарадиган DB Group Eco корхонасининг фаолияти билан танишди. Корхона йил охиригача Сингапур ва Россияга 300 тонна балиқ экспорт қилишни режалаштирган.