Қозоғистон-Ўзбекистон чегарасида яна тожикистонликлар тўпланиб қолди

Қозоғистон чегарасида тўпланиб қолган 237 нафар Тожикистон фуқароси ватанига етказилганидн кейин улар турган жойда яна 30 дан ортиқ тожикистонлик тўпланиб қолган, уларнинг орасида ҳомиладор аёллар ҳам бор, дея хабар беради “Азия-Плюс” нашри.

Тожикистон ТИВнинг ахборот департаменти Қозоғистоннинг Туркистон килоятидаги Ўзбекистон-Қозоғистон чегарасида яна 30 дан ортиқ Тожикистон фуқароси тўпланиб қолгани ҳақида хабар берган.

«Ўзбекистон ҳукумати томонидан коридор тақдим этилиб, транспортировка қилиш учун рухсатнома олгунга қадар улар чегарада қолишига тўғри келади. Шу муносабати билан Тожикистоннинг Қозоғистондаги дипломатик ваколатхонаси тожик диаспораси билан ҳамкорликда имкони борича фуқароларимизни вақтинчалик яшаш жойи ва озиқ-овқат билан таъминлайди», – дея хабар беради мамлакат ТИВ.

Astana TV суратга олган ишқибозлик видеотасвирида ҳомиладор аёл Ганжина Рустамова маҳаллий туғруқхоналар уни қабул қилмаслиги ҳақида огоҳлантиришганидан кейину уйига кетишни хоҳлаб қолгани ҳақида сўз боради. 

«13 июнь куни кўзим ёриши мумкин. Менга шундай муддатни қўйишган. Маҳаллий туғрухоналар мени қабул қилмасликлари ҳақида огоҳлантиришди. Чегара очилганини эшитишимиз билан дарров бу ерга келдик. Уни аллақачон ёпишган экан. Энди қийналяпмиз. Ёрдам сўраймиз», – дейди у. 

Дипломатлар чегара шу ойда очилишини кутмоқда, дейилади Astana TV лавҳасида.