Самарқанд вилоятидаги оммавий муштлашувда 15 киши жароҳат олди

25 апрель оқшомида Самарқанд вилоятининг Пастдарғом туманидаги "Равот" ва "Боғонали" қишлоқларининг 17 нафар аҳолиси, шу жумладан уч аёл ўртасида жанжал содир бўлди. Можаро пайтида 15 киши жароҳат олди, деб ёзади бу ҳақда Ички ишлар вазирлиги ҳузуридаги Тергов бошқармасининг матбуот хизматига асосланиб Samcity нашри.
 
Маълумотларга кўра, 25 апрель куни соат 19: 00да 51 ёшли М.Б, Laсetti русумли автомашинани Пастдарғом вилоятининг Равот-Боғонали қишлоқлари томон ҳайдаб кетаётиб, автомобилни Равот қишлоғининг ички йўлига қайта йўналтиришг учун манёвр қилаётганда, орқасида кетаётган Laсetti автомашинаси ҳайдовчиси 22 ёшли А.М. ва унинг йўловчилари 36 ёшли Р.У., 24 ёшли А.Т. ва 18 ёшли А.Ф дан ҳақоратли сўзларни эшитади.
 
Маълум бўлишича, эркаклар М.Б.ни у гўёки нотўғри маневр қилганлиги ва шу билан бирга уларнинг машинасини тиқиб қўйгани учун ҳақорат қила бошлашган. Кейинчалик, шу асосда "Равот" ва "Боғонали" қишлоқларининг 17 нафар аҳолиси ўртасида жанжал келиб чиққан.
 
Терговга қадар текширув давомида ушбу жанжалда фаол иштирок этган 17 фуқаронинг 15 нафарининг танасига турли хил шикаст етказилганлиги аниқланди. Бундан ташқари, тергов томонидан уларнинг учтаси аёллар эканлиги аниқланди.
 
Ушбу факт бўйича Жиноят кодекси 277 (безорилик) моддаси 3-қисмининг "г" банди билан жиноят иши қўзғатилди. Жиноят иши бўйича тергов давом этмоқда.
 
Фотосурат: Ички ишлар вазирлиги Тергов бошқармаси