Ўзбекистон Тожикистон орқали Қирғизистон билан автобус қатновини йўлга қўймоқчи

Ўзбекистон ва Қирғизистон Тошкент-Ўш йўналиши бўйича автобус қатновини тиклаш ниятида. Бу ҳақда норматив-ҳуқуқий ҳужжатлар лойиҳаларини муҳокама қилиш сайтига жойлаштирилган Шавкат Мирзиёевнинг республикада туризм ва зиёратни ривожлантириш тўғирсидаги фармони лойиҳасида сўз боради.  
 
Ҳужжат лойиҳасига кўра, Ўзбекистон туризмни ривожлантириш учун, Тожикистон ҳукумати билан келишган ҳолда, Сўғд вилояти орқали Тошкент-Ўш йўналиши бўйича автобус қатновини йўлга қўйиш ниятида.

Шунингдек фармон лойиҳасида Ўзбекистоннинг Самарқанд, Бухоро, Тошкент ва Термиз шаҳарлари ҳамда Тожикистоннинг Душанбе ва Хўжанд шаҳарлари орасида автобуслар қатнови очилиши ҳам кўзда тутилган.