Коронавирус пандемиясига қарши курашиш ва ёрдамга муҳтож аҳолини қўллаб-қувватлаш мақсадида Жанубий Корея ҳукумати COVID-19 дастури доирасида тўртта мамлакатни қўллаб-қувватлаш лойиҳасини амалга оширмоқда. Лойиҳага кўра, Ўзбекистон Республикасига ҳам беш миллион доллар миқдорида моддий ёрдам ажратишга қарор қилинган. Бу ҳақда ЎзА Жанубий Корея элчихонасига таянган ҳолда хабар беради.

Кореянинг Тошкентдаги халқаро ҳамкорлик бўйича агентлиги офиси (KOICA) ва Инвестициялар ва ташқи савдо вазирлиги ушбу дастурни қисқа муддатлар ичида амалга ошириш учун Ўзаро англашув меморандумини имзолашни режалаштирмоқда.

Июль ойида Ўзбекистонга қиймати 300 минг доллардан ортиқ 35 млн дона ниқоб (KF 80/94) жўнатиш мўлжалланган.  
 
Facebook’даги саҳифамизга обуна бўлинг.