Президент ижтимоий ҳимоя дастури ҳақида эълон қилганига қарамасдан Вазирлар Маҳкамаси дастур ҳақидаги саволларга жавоб бермаяпти

УПД: Вазирлар Маҳкамаси таҳририятга жавоб берди, техник сабабларга кўра юборилган хат рўйхатдан ўтказилмаган.

Шавкат Мирзиёев Ижтимоий ҳимоя миллий агентлиги ташкил этилишини маълум қилди.

Anhor.uz таҳририяти 2023 йил февраль ойида Вазирлар Маҳкамасига қуйидаги саволлар билан расмий сўров юборган эди:

1. 2021 йилга қадар Миллий ижтимоий ҳимоя стратегиясини ишлаб чиқиш ва тасдиқлаш режалаштирилган эди. Ушбу тизим ишлаб чиқилдими?
2. Ўзбекистонда 2022 йилгача пайдо бўлиши керак бўлган ижтимоий ҳимояга масъул вазирлик ташкил этилдими?
3. Ижтимоий ҳимоя вазирлигини ташкил этишни режалаштириш ва ташкил этиш кимнинг зиммасида?

Орадан уч ой ўтиб ҳам  таҳририят жавоб олмади, ҳолбуки, қонунга кўра ОАВнинг расмий сўровларига жавоблар етти иш кунидан кечиктирмай берилиши керак.