«2023 йилда болалар онкологияси бўйича замонавий кафедрани ташкил этишга кўмаклашиш вазифасини қўйганмиз» – Азиза Умарова

Жамғарма ҳар йили саратон касаллигига чалинган болаларга ёрдам бериш учун маблағ тўплайди, дейди Ezgu Amal жамғармасининг васийлик кенгаши аъзоси Азиза Умарова.

«Анъанага кўра, тиббиёт буюмлари учун тўловларга кўмаклашамиз, ўз маблағимиз ҳисобидан маълум тоифадаги болаларни хорижга даволанишга жўнатамиз, турли операциялар, диагностика ишларини олиб борамиз. Бу фонд томонидан анъанавий тарзда амалга оширилади. Аммо биз ўзимиз учун қарор қабул қилдик: ҳар йили биз битта жиддий вазифани зиммамизга оламиз ва уни бир йил ичида ҳал қиламиз. 2022 йилда бу – Ўзбекистонда болалар учун биринчи хосписини ташкил этиш мақсади эди ва биз уни “Таскин” деб номладик.

У даволаб бўлмайдиган болаларга паллиатив ёрдам кўрсатишга қаратилган. Биз кўпинча болалар саратоннинг охирги босқичларда келиши ва шифокорлар уларни даволашга олмаслиги ва бу нохуш оқибатларга олиб келганига тез-тез дуч келдик. Биз болалар ва ота-оналар ижтимоий ишчилар, психологлардан зарур ёрдам олишлари, морфин олишлари  мумкин бўлган ташкилот ёки тузилмани яратиш зарурлигини тушундик, шунда болалар  охирги ҳафталарини имкон қадар оғриқсиз  ва қулай муҳитда ўтказишлари ва кетишлари мумкин. Бу Ўзбекистонда паллиатив ёрдамнинг жуда муҳим қисми бўлиб, у Ўзбекистонда ҳали ҳам  ривожланмаган.

Бу масалада Исроил элчихонаси бизга катта ёрдам берди. Биз кўникма ва билимларга эга бўлдик ва барчамиз биргаликда қисқа вақт ичида хоспис очишга муваффақ бўлдик. Биз ёрдамга муҳтож бўлган барчани таклиф қиламиз – ҳаммаси мутлақо бепул – озиқ-овқат, турар жой ва парвариш, мутахассислар. Барча харажатлар давлат ва Ezgu Amal жамғармаси томонидан қопланади.

“2023 йилда болалар онкологияси бўйича замонавий кафедрани ташкил этишга кўмаклашиш вазифасини қўйганмиз. Биз изланишдамиз, ким билан ишлашимизни аниқ  ҳал қилганимиз йўқ, лекин болалар онкологларининг кучли мактабини яратишга ёрдам бермоқчимиз. Уларни малака ошириш курсларига, турли халқаро конференцияларга юборишимиз, илмий адабиётлар, илмий маълумотлар базаларидан фойдаланиш имконини яратишимиз мумкин. Бизнинг мақсадимиз – кафедра амалиётга йўналтирилган бўлиши керак. Шунинг учун клиникалар билан ишлаш, тадқиқот олиб бориш керак, шунда биз далилларга асосланган тиббиётда олдинга силжишимиз мумкин.

Хосписда бўш вақтларида келиб, болалар билан ишлаётган, турли совға-саломлар бераётган кўнгиллилар кўп, биз бу инсонлардан жуда миннатдормиз. Жамиятимизга хос хусусият шундаки, одамлар жуда сезгир ва ўз вақтларини баҳамлашишга тайёр.

Давлат ажратаётган маблағ етарли эмас, шунинг учун ҳам жамғарма ҳисобидан устама иш ҳақи ва бошқа харажатларни тўлаяпмиз. Бизга йил давомида болалар ва ота-оналарни овқатлантириш ёки айрим хоспис ходимларига устама ҳақ тўлаш каби харажатларнинг бир қисмини ўз зиммасига оладиган йирик корпоратив ҳомийлар керак.

Шундай қилиб, биз бугунги кунда фонд болаларни даволашга сарфлаётган маблағларнинг бир қисмини бўшатишимиз мумкин, чунки хоспис энди ёрдамга муҳтож бўлмаганлар, яъни улар ўта касал бўлганлар учун эканлигини унутмаслигимиз керак. Аммо даволанишга муҳтож болалар бор, биз ҳақиқатан ҳам хозирги хоспис харажатларини ойлик ёки йиллик ҳомийлик билан қопланишига умид қиламиз», – дея хулоса қилади Азиза Умарова.