49 нафар судья муддатидан олдин ишдан олинди
Судьялар олий кенгаши раҳбарияти иштирокида АОКАда ўтказилган матбуот анжуманида 2023 йилнинг ҳисоботига кўра 49 нафар судьянинг ваколатлари олдиндан тугатилганлиги айтилди ва келажакдаги вазифалар ҳақида маълумот берилди.
Уларнинг 22 нафари ўз аризасига кўра, 2 нафари вафот этгани муносабати билан, 17 нафари судьялик қасамёдини, 8 нафари Судьялар одоби кодекси талабларини бузганлиги учун лавозимидан озод қилинган.
Бундан ташқари ваколат муддати якунига етган 10 нафар судья ушбу лавозимда бўлишнинг навбатдаги муддатига нолойиқ деб топилган.
“Судьялар фаолияти самарадорлигини очиқ ва шаффоф баҳолаш бўйича миллий электрон рейтинг баҳолаш дастури янада такомиллаштирилиб, энг юқори рейтинг-баллга эга судьялар “Ибратли судья” мукофоти билан тақдирланиб келинмоқда. 2023 йилда 15 нафар судья ушбу мукофотга лойиқ деб топилди”, – дейилади хабарда.
Тизимда 199 нафари яъни 14,1 фоиз аёл судья фаолият кўрсатмоқда. Уларнинг 28 нафари раҳбар судьялик лавозимларига тайинланган.
Мамлакатда гендер тенгликка эришиш стратегиясининг мақсадли кўрсаткичларига кўра, судьялар орасида хотин-қизлар улушини 2025 йилда 20 фоизга, 2030 йилда 30 фоизга етказиш назарда тутилган.
Айни пайтда тизимда 1409 нафар судья фаолият кўрсатмоқда. Уларнинг 453 нафари судьялик лавозимида бўлишнинг беш йиллик муддатига, 903 нафари ўн йиллик муддатга, 51 нафари муддатсиз даврга тайинланган.
If you have found a spelling error, please, notify us by selecting that text and pressing Ctrl+Enter.
Тавсиялар
Президентга спорт соҳасида амалга оширилаётган ишлар ҳақида маълумот берилди
“Адолат” СДП: Терговдаги шахс ички ишлар биносида вафот этса, ҳолат ошкора тергов қилиниб, айбдор жазоланиши лозим
USAID Ўзбекистонда таълимни қўллаб-қувватлашга қўшимча 6,1 млн доллар инвестиция қилмоқда
Ўзбекистонда самокатлар ва велосипедларда ҳаракат хавфсизлиги қоидаларини бузувчи фуқаролар жаримага тортилади
Wildberries офиси ёнидаги отишма иши бўйича “Ахмат” бўлинмаси командирининг ўринбосари ҳибсга олинди
USD
EUR
RUB
Шарҳлар