500 000 АҚШлик ёлғон фош этилди

Шайхонтоҳур туманида тадбиркорга долларлик шартнома тузиб беришни ваъда қилган фирибгар ушланди. Бу ҳақида Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти хабар бермоқда.

Бош прокуратура ҳузуридаги Департаментнинг Шайхонтоҳур тумани бўлими, ДХХ ва ИИББ ходимлари ҳамкорлигида тадбиркорлик субъектларининг ҳуқуқларини ҳимоя қилиш юзасидан ўтказилган тезкор тадбирда “С.С.” МЧЖ раҳбари N.Sh. (муқаддам судланган) тадбиркор U.I.ga танишлари ёрдамида “Л.Й.” корхонаси билан 500 000 АҚШ доллари миқдорида қурилиш ишларини бажариш юзасидан шартнома тузиб, буюртма олиб бериши эвазига шартнома қийматининг 10 фоизи миқдорида пул бериши кераклигини айтиб, 50 000 АҚШ долларини фирибгарлик йўли билан олган вақтида ашёвий далиллар билан ушланган.

Мазкур ҳолат юзасидан Жиноят Кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.