Абхазияда мухолифат ҳукумат биноларини эгаллади

Ижтимоий тармоқларда эълон қилинган видеолавҳаларда ўзини ўзи эълон қилган Абхазиядаги мухолифат ҳукумат бинолари мажмуасини ўз назоратига олди. Намойишчилар республика президенти Аслан Бжаниянинг офиси ва парламент мажлислар залини эгаллаб олишди.

Бинолар олиб қўйилгандан сўнг, Бжания матбуот хизмати Россия билан инвестиция шартномасини ратификация қилувчи қонун лойиҳасининг парламентдан тез орада чақириб олиниши ҳақида баёнот эълон қилди.

Мухолифат етакчиларидан бири, собиқ Иқтисодиёт вазири Адгур Ардзинбанинг айтишича, Бжания Россия раҳбариятига мурожаат қилиб, намойишчиларни “туркпараст ва ғарбпараст кучлар томонидан амалга оширилган давлат тўнтаришида” айблаган.

Мухолифат ўзини ўзи эълон қилган республика президентининг истеъфосини талаб қилмоқда, унга парламент спикери юборилган, аммо у ҳали якуний жавоб бергани йўқ. Намойишчилар, шунингдек, Абхазиядаги жамоат бирлашмалари вакилларидан иборат мувофиқлаштирувчи кенгашни тузган. “Республика” телеграм канали хабарларидан бирида айтилишича, улар Бжания истеъфога чиқмагунича ҳукумат мажмуасида қолиш ниятида.

Аввалроқ парламент биносини қўриқлаётган хавфсизлик кучлари мажмуани тарк этганди. Уларнинг «халқ томонига» ўтиши ҳақида «D News Абхазия» телеграм канали хабар берди.

Митинг ташкилотчиларидан бири “антироссия кучлари” унда иштирок этмаётганини айтди. «Донбассдаги йигитларимиз рус дунёси учун жонларини фидо қилмоқда», – деди у. Бунга оломон “Путин” ва “Россия” деган ҳайқириқлар билан жавоб қайтарди.

Бугун Абхазия парламенти Россия билан инвестиция шартномасини ратификация қилувчи қонун лойиҳасини кўриб чиқиши керак эди. Мухолифатнинг фикрича, ҳужжат йирик россиялик сармоядорлар фойдасига маҳаллий ишбилармонларнинг ҳуқуқларини жиддий равишда бузади.