Алексей Навальний билан оммавий видолашув ҳафта охирига режалаштирилмоқда

Алексей Навальний билан оммавий видолашув маросими ҳафта охирида режалаштирилган. Алексей Навальнийнинг сафдошлари у билан оммавий видолашув маросимини ўтказиш учун муносиб жойни фаол изламоқда. Навальнийнинг матбуот котиби Кира Ярмиш жамоатчиликдан жорий иш ҳафтаси охиригача зал топишга ёрдам беришни сўради. Бу маълумот Навальнийнинг жасади Салехардда онасига топширилгани маълум бўлганидан кейин пайдо бўлди. Аввалроқ Алексей Навальнийнинг сафдошлари терговчиларнинг яширин дафн маросимини ўтказиш талабларидан хавотир билдирган эди.

“Биз Алексей билан видолашиш учун зал қидиряпмиз. Вақти: шу иш ҳафтасининг охири. Агар мос хонангиз бўлса, биз билан боғланинг”, — деб ёзади сиёсатчининг матбуот котиби Кира Ярмиш Х ижтимоий тармоғида.