Қариндошларнинг судланганлиги фуқароларнинг давлат хизматига қабул қилинмаслигига сабаб бўлолмайди
20 сентябрь куни Президент томонидан имзоланган Қонун (ЎРҚ-963-сон) билан айрим қонун ҳужжатларга ўзгартириш ва қўшимчалар киритилди.
Қонунга кўра, айрим қонун ҳужжатларига янги таҳрирдаги Конституцияда мустаҳкамланган, ОАВларнинг фаолияти ҳамда инсоннинг асосий ҳуқуқ ва эркинликлари билан боғлиқ ҳуқуқий нормалар белгиланишини назарда тутувчи ўзгартириш ва қўшимчалар киритилмоқда.
Шунингдек, “Давлат фуқаролик хизмати тўғрисида”ги Қонунига киритилган қўшимчага кўра, қариндошининг судланганлиги ва бундан келиб чиқадиган ҳуқуқий оқибатлар давлат фуқаролик хизматига қабул қилиш ва уни ўташ чоғида фуқароларнинг ҳуқуқларини чеклаш учун асос бўлиши мумкин эмаслиги белгиланмоқда.
Бундан ташқари, “Тадбиркорлик фаолияти эркинлигининг кафолатлари тўғрисида”ги Қонунига киритилган қўшимчага кўра, тадбиркорлик субъектлари қонунчиликка мувофиқ ҳар қандай фаолиятни амалга оширишга ва ўз фаолияти йўналишларини мустақил равишда танлашга ҳақлилиги белгиланмоқда.
Қонун расмий эълон қилинган кундан эътиборан кучга киради.
If you have found a spelling error, please, notify us by selecting that text and pressing Ctrl+Enter.
Тавсиялар
Автомашина ютиб олганлигига ишонган шахс 3 млн.гa "куйди"
Сиёсий партиялар сайловолди ташвиқотининг этик қоидаларини имзолади
Кредит ташкилотлари ва нобанк кредит ташкилотлари фаолиятида ахборот хавфсизлиги кучайтирилади
Сирдарёга Хитойда ишлаб чиқарилган 8 та янги автобус олиб келинди
Ўзбекистонда 4 кишилик оилалар сони йил сайин камаймоқди
USD
EUR
RUB
Шарҳлар