Қашқадарё вилоятида 17 та игнабаргли дарахт шикастлангани аниқланди

Қашқадарё вилояти Экология бошқармаси Деҳқонобод туман инспекцияси томонидан ўтказилган рейд давомида Деҳқонобод «Кон» давлат ўрмон хўжалиги Сувлисой массиви ҳудудидаги 6 туп Зарафшон арчаси асос танасидан,  яна 11 туп дарахтнинг шохлари кесилгани аниқланди.

Ўрмончи Р.Ж.га нисбатан Маъмурий жавобгарлик тўғрисидаги кодекснинг 79-моддаси 3-қисми (Дарахтларни, буталарни, бошқа ўсимликлар ва ёш кўчатларни қонунга хилоф равишда кесиш, илдизи билан қўпориш, шикастлаш, нобуд қилиш ёки кўчириб ўтказиш) билан баённома тузилди ва 10 БҲМ – 3 миллион 300 минг сўм миқдорида жарима тайинланди

Табиатга етказилган 18 миллион 840 минг сўм зарарни ундириш мақсадида мазкур ҳолат юзасидан белгиланган тартибда ҳужжатлар расмийлаштирилиб, Деҳқонобод ўрмон хўжалиги давлат корхонасига топширилди.