Қатор амалдорлар хусусий корхоналарнинг таъсисчилари ва раҳбарлари бўлишдан тўхтади

Ўзбекистон Коррупцияга қарши курашиш агентлиги мамлакат мансабдор шахслари орасида уларнинг хусусий компаниялар бошқарувидаги иштироки билан боғлиқ бир қанча манфаатлар тўқнашуви ҳолатлари ҳал этилганини маълум қилди.

Кўрилган чора-тадбирлар натижасида қуйидаги мансабдор шахслар хусусий компанияларда таъсисчи ва раҳбар сифатидаги иштирокини тўхтатишга мажбур бўлдилар:

Ўзбекистон энергетика вазирининг ўринбосари Умид Мамадаминов

Тошкент шаҳар Миробод тумани ҳокими Анвар Сайфутдинов

Андижон вилояти Бўстон тумани ҳокими Санобархон Носирова

Қимматли қоғозлар марказий депозитарийси бош директори Шерали Абдужабборов

Миллий антидопинг марказининг директори Абдушукур Содиқов

Марказий банк Ахборотлаштириш бош маркази директори Дилшод Сарихўжаев,

Туризм қўмитаси ҳузуридаги Миллий PR-маркази раҳбари Дилфуза Самандарова ва Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги директори Абдулла Азизов.

Тадқиқот оммавий ахборот воситалари ва ижтимоий тармоқлардаги хабарлар, шунингдек, очиқ маълумотлар асосида ўтказилган.