Андижонда «Malibu» «Nexia»га урилиб кетди, жабрланганлар бор

Андижон вилояти Олтинкўл туманида йўл-транспорт ҳодисаси содир бўлди, натижада бир киши жабрланди, деб хабар бермоқда вилоят ИИБ ЙҲХБ матбуот хизмати.

ЙТҲ 5 апрель куни соат 10:20 да Оқтепа маҳалласи ҳудудидан ўтувчи 4Р-112 автомобил йўлининг 127-километрида содир бўлган. «Malibu 2»  ҳайдовчиси катта тезликда чапга бурилиб кетаётган Nexia автомобилига бориб урилган.

ЙТҲ натижасида Nexia ҳайдовчиси турли тан жароҳатлари олиб, шифохонага ётқизилган.

Ҳозирда ҳуқуқ-тартибот идоралари ходимлари томонидан терговга қадар текширув ишлари олиб борилмоқда.