Ўзбекистонда жисмоний шахсларга тегишли автомобиллар 4 миллиондан ошди

2024 йилнинг 1 январь ҳолатига кўра Ўзбекистонда жисмоний шахсларга тегишли бўлган автомобиллар сони 4 020 744 тани ташкил этган. Бу ҳақда Статистика агентлиги матбуот хизмати хабар бермоқда.

Аҳолига тегишли жами автотранспорт воситаларидан:

Енгил автомобиллар – 3 759 045 та 

Юк автомобиллари – 240 917 та 

Автобуслар – 6 297 та 

Микроавтобуслар – 9 102 та

Махсус  транспортлар – 5 383 та

Ушбу кўрсатгич – икки йил олдинги натижадан 23 фоизга кўп. Енгил автомобиллар сони ҳар 1000 кишига 98 тани ташкил этмоқда.