Ғазо аҳолиси ҳайвонлар учун ем ва гуруч билан озиқланмоқда

Ғазо секторининг изоляция қилинган шимолий қисмида яшаётган аҳоли Би-Би-Сига инсонпарварлик ёрдами ортилгаан юкларнинг кириб келиши кўпроқ тақиқлангани сабабли болалар кунлар давомида озиқ-овқатсиз ўтиришаётганини айтишади. Омон қолиш учун баъзи аҳоли ҳайвонлар емини майдалаб, унга айлантирмоқда, бироқ уларнинг фикрича, ҳатто бу захира ҳам тугаяпти. Шунингдек, одамлар сув ичиш ва ювиниш учун чуқур қазиб, сув қувурларигача етиб боришга уриняпти.

БМТнинг огоҳлантиришича, анклавнинг шимолий қисмидаги ёш болаларнинг 15 фоиздан ортиғи сурункали равишда тўйиб овқатланмайди.

БМТ Гуманитар масалаларни мувофиқлаштириш бошқармаси (ГММБ) январь ойида Ғазо шимолидаги ёрдам миссияларининг ярмидан кўпроғига киришга рухсат берилмаганини ва Исроил аскарлари ёрдам қандай ва қаерга етказилишини аниқлаб, жараёнга тобора кўпроқ аралашаётганини айтади.

Агентлик маълумотларига кўра, айниқса шимолий ҳудудларда яшовчи 300 минг киши ёрдамдан узилган бўлиб, очликдан ўлиш хавфи остида.

Ғазога ёрдамга киришни мувофиқлаштириш вазифаси юкланган Исроил ҳарбий амалдори январь ойида бўлиб ўтган брифингда «Ғазода очарчилик йўқ», Нуқта» – деганди. Cogat агентлиги Ғазога юбориладиган гуманитар ёрдам миқдорини чекламаслигини бир неча бор таъкидлаган.

Би-Би-Си  Ғазо шаҳри ва Байт Лаҳияда яшовчи уч киши билан суҳбатлашди ҳамда Жабалияда маҳаллий журналистлар томонидан суратга олинган кадрлар ва интервьюларни томоша қилди.

Байт-Лаҳиядаги маҳаллий тиббиёт ходими Маҳмуд Шалабийнинг айтишича, одамлар озуқа донини ун қилиб майдалашмоқда, аммо ҳозир у ҳам тугамоқда.

«Одамлар уни бозорда топа олмайди», – дейди у. «У ҳозирда Стрип шимолида ва Ғазо шаҳрида йўқ».

Унга кўра, консерва захиралари ҳам тугаб бормоқда.

“Олти ёки етти кунлик сулҳдан кейин (ноябрь ойида) қолган нарсамиз қолди ва Ғазо шимолига олиб киришга рухсат берилган барча ёрдам сарфлаб бўлинди. Энди одамлар гуруч, фақат гуруч емоқда”, – дейди у.

Жаҳон озиқ-овқат дастури Би-Би-Сига шу ҳафтада Исроил ҳарбийлари шимолга кетаётган сўнгги бешта ёрдам карвонидан тўрттасини тўхтатганини айтди. Бу Ғазо шаҳрига етказиб бериш орасидаги фарқ икки ҳафтага етганини англатади.